Rossiya klublari o‘yinchilarni ro‘yxatdan o‘tkazishda qiyinchiliklarga duch kelishi mumkin.

Avvalroq FIFA o‘z veb-saytida "Axmat"ga transfer taqiqini noma’lum muddatga joriy qilganini e’lon qilgan edi. Cheklovlar birdamlik to‘lovlari va Yevropa Ittifoqida hisob ochishdagi muammolar tufayli ularni amalga oshira olmaslik bilan bog‘liq. Ivan Karpovning ta’kidlashicha, xuddi shu taqiq boshqa Rossiya jamoalariga tahdid solmoqda.

"Ilgari birdamlik to‘lovlari to‘g‘ridan-to‘g‘ri klublarga o‘tkazilardi. 2022 yil oxirida FIFA Fransiyada barcha to‘lovlar o‘tkazilishi kerak bo‘lgan kliring kompaniyasini tashkil qildi. Uning xizmatlaridan foydalanish uchun u yerda hisob ochish kerak.

"Axmat" harakat qildi, ammo bir necha bor rad etildi. Yakeunda FIFA "Tog‘liklar"ga taqiq qo‘ydi. Endi esa xuddi shu narsa RPL va FNLdagi barcha klublarga tahdid solmoqda, chunki ularning hech biri deyarli to‘rt yil davomida zarur hisoblarga ega bo‘lmagan. Va u yerda hech kim birdamlik to‘lovlarini to‘lamagan. Va jarimalar ham to‘plangan", deb yozgan insayder.

Karpovning so‘zlariga ko‘ra, RFI o‘tgan hafta RPL a’zolariga 2026 yilgi Jahon chempionatidan keyin Xalqaro futbol federasiyasi bilan muammoni hal qilishga harakat qilishga va’da bergan.