Xosep Gvardiola va Italiya futbol federasiyasi hozircha shartnoma shartlari bo‘yicha bir qarorga kela olishmayapti. Ispaniyalik murabbiy FIGC tomonidan uni Italiya terma jamoasi bosh murabbiyligiga tayinlash uchun qilinayotgan harakatlardan «hayratda», biroq ayni damda uning talablari juda yuqori: La Gazzetta dello Sport xabariga ko‘ra, Pep yiliga 20 million yevro maosh so‘ramoqda, federasiya esa unga bundan ikki baravar kam mablag‘ taklif qilmoqda.
Avvalroq Gvardiola «Manchester Siti»da faoliyat yuritgan — u «shaharliklar» postini o‘n yil davomida egallab kelgan edi.
Italiya terma jamoasi JCH-2026 yo‘llanmasi uchun kechgan pley-off finalida Bosniya va Gersegovinaga imkoniyatni boy berib, turnirga chiqa olmadi. Ushbu omadsizlikdan so‘ng «skuadra adzurra»ning sobiq bosh murabbiyi Jennaro Gattuzo o‘z lavozimini tark etdi.
