Angliya futbol assosiasiyasi (FA) UYEFAning boykotiga oid rasmiy bayonot berdi.
Avvalroq, UYEFA va uning barcha 55 ta milliy assosiasiyasi FIFAning barcha musobaqalarini (shu jumladan, erkaklar va ayollar o‘rtasidagi jahon chempionatlarini) to‘liq boykot qilish uchun bir ovozdan ovoz bergan edi. Ushbu radikal qaror FIFA prezidenti Janni Infantinoning Jahon chempionatlarining tijorat huquqlarini boshqarishga xususiy investorlarni jalb qilish rejalariga javoban Yevropa futbol boshqaruv organining favqulodda yig‘ilishida qabul qilindi.
"Biz yevropalik hamkasblarimiz bilan yelkama-elka turib, ularning umumiy pozisiyasini to‘liq qo‘llab-quvvatlaymiz. Biz FIFAning rejalariga qarshimiz. Jahon chempionati futbolga tegishli va har doim futbolga tegishli bo‘lib qoladi", deyiladi FA rasmiy bayonotida.
