«Inter» «Liverpul» yarim himoyachisi Kyortis Djonsni o‘z safiga qo‘shib olishga harakat qilishda davom etmoqda.

Indykaila News xabariga ko‘ra, Milan klubi vakillari «Liverpul»ning rasmiy shaxslari bilan uchrashish uchun Londonga uchib kelishgan. Tomonlar Djonsning Italiya jamoasiga transferi tafsilotlarini muhokama qilishmoqchi.

Kyortis Djons «Liverpul» tarbiyalanuvchisi hisoblanadi. Uning amaldagi shartnomasi 2027 yilning 30 iyunigacha mo‘ljallangan. 2025/26 yilgi mavsumda yarim himoyachi «qizillar» safida barcha turnirlarda 49 ta o‘yinda maydonga tushib, 3 ta gol urdi va 3 ta golli uzatma amalga oshirdi. Transfermarkt portali Djonsning narxini 35 million yevroga baholamoqda.