«Yuventus» bosh direktori Jovanni Karnevali UEFAning FIFA turnirlarini, jumladan jahon chempionatini boykot qilish ehtimoli haqidagi qarorini qo‘llab-quvvatladi.

«55 ta futbol federasiyasi FIFA amalga oshirmoqchi bo‘lgan rejaga qarshi chiqmoqda. Infantino qilayotgan ishlarni hamma ko‘rib turibdi. Bu bir necha yil avvalgi yo‘nalishdan mutlaqo farq qiladi.

Menga halol va shaffof boshqaruv yoqadi. FIFA esa men ishonadigan qadriyatlarga amal qilmayapti. 55 ta federasiyaning bunga qarshi chiqayotgani o‘z-o‘zidan muhim qadam. Ularni to‘xtatish imkoniyati paydo bo‘ladi», — dedi Karnevali.

Eslatib o‘tamiz, avvalroq UEFA jahon chempionati va boshqa musobaqalar huquqlarining bir qismi xususiy investorlarga sotilgan taqdirda, FIFA shafeligidagi turnirlarni boykot qilish niyatida ekanini ma’lum qilgan edi.