«Ювентус» бош директори Жованни Карневали УEФАнинг ФИФА турнирларини, жумладан жаҳон чемпионатини бойкот қилиш эҳтимоли ҳақидаги қарорини қўллаб-қувватлади.
«55 та футбол федерацияси ФИФА амалга оширмоқчи бўлган режага қарши чиқмоқда. Инфантино қилаётган ишларни ҳамма кўриб турибди. Бу бир неча йил аввалги йўналишдан мутлақо фарқ қилади.
Менга ҳалол ва шаффоф бошқарув ёқади. ФИФА эса мен ишонадиган қадриятларга амал қилмаяпти. 55 та федерациянинг бунга қарши чиқаётгани ўз-ўзидан муҳим қадам. Уларни тўхтатиш имконияти пайдо бўлади», — деди Карневали.
Эслатиб ўтамиз, аввалроқ УEФА жаҳон чемпионати ва бошқа мусобақалар ҳуқуқларининг бир қисми хусусий инвесторларга сотилган тақдирда, ФИФА шафелигидаги турнирларни бойкот қилиш ниятида эканини маълум қилган эди.
