Vinisius Juniorning Madridning «Real» klubidan ketishi haqidagi xabarlar avj olishda davom etmoqda.

Braziliyalik futbolchining kelajagi shartnoma bilan bog‘liq vaziyat sabab mavhumligicha qolmoqda: uning amaldagi bitimi tugashiga bir yildan kam vaqt qoldi, tomonlar esa yangi kelishuvning moliyaviy shartlari bo‘yicha bir to‘xtamga kela olishmayapti. Shu bilan birga, Onda Cero manbasiga tayanib The Touchline bergan xabarga ko‘ra, «qaymoqranglilar»ning yangi bosh murabbiyi Joze Mourinyu «Real»ning asosiy jamoasidagi Vinisiusdan tashqari barcha futbolchilar bilan yakkama-yakka suhbatlashib bo‘lgan.

Yulduzli vingerni o‘z safiga qo‘shib olishga Londonning «Arsenal» klubi qiziqish bildirmoqda. Mashhur Transfermarkt portali ekspertlari 26 yoshli futbolchining transfer qiymatini 140 million yevroga baholashmoqda.