Винисиус Жуниорнинг Мадриднинг «Реал» клубидан кетиши ҳақидаги хабарлар авж олишда давом этмоқда.
Бразилиялик футболчининг келажаги шартнома билан боғлиқ вазият сабаб мавҳумлигича қолмоқда: унинг амалдаги битими тугашига бир йилдан кам вақт қолди, томонлар эса янги келишувнинг молиявий шартлари бўйича бир тўхтамга кела олишмаяпти. Шу билан бирга, Onda Cero манбасига таяниб The Touchline берган хабарга кўра, «қаймоқранглилар»нинг янги бош мураббийи Жозе Моуринью «Реал»нинг асосий жамоасидаги Винисиусдан ташқари барча футболчилар билан яккама-якка суҳбатлашиб бўлган.
Юлдузли вингерни ўз сафига қўшиб олишга Лондоннинг «Арсенал» клуби қизиқиш билдирмоқда. Машҳур Transfermarkt портали экспертлари 26 ёшли футболчининг трансфер қийматини 140 миллион еврога баҳолашмоқда.
