«Milan»ning afsonaviy sobiq sardori Franko Barezining bevaqt vafotidan so‘ng, «San-Siro» stadionining mashhur tribunalaridan biriga uning nomini berish taklif qilinmoqda. Gap «rossoneri» muxlislarining eng radikal qanoti — ultraslari joylashadigan kult hisoblangan Curva Sud tribunasi haqida bormoqda.
derbyderbyderby.it nashrining xabar berishicha, «Milan» egasi Djerri Kardjinale Barezining vafotidan chuqur kayg‘uda va bu tashabbusni to‘liq qo‘llab-quvvatlamoqda. U, shuningdek, afsonaviy sobiq sardorning dafn marosimida shaxsan ishtirok etishni rejalashtirmoqda. Zlatan Ibragimovichning marosimda bo‘lishi esa hozircha tasdiqlanmagan.
Franko Barezi 1978 yildan 1997 yilgacha «Milan» sharafini himoya qilgan va butun faoliyatini faqat shu klubga bag‘ishlagan. 66 yoshida vafot etgan afsonaviy himoyachi Italiya terma jamoasi bilan 1982 yilgi jahon chempioni hisoblanadi.
