«Милан»нинг афсонавий собиқ сардори Франко Барезининг бевақт вафотидан сўнг, «Сан-Сиро» стадионининг машҳур трибуналаридан бирига унинг номини бериш таклиф қилинмоқда. Гап «россонери» мухлисларининг энг радикаль қаноти — ультраслари жойлашадиган культ ҳисобланган Curva Sud трибунаси ҳақида бормоқда.

derbyderbyderby.it нашрининг хабар беришича, «Милан» эгаси Джерри Карджинале Барезининг вафотидан чуқур кайғуда ва бу ташаббусни тўлиқ қўллаб-қувватламоқда. У, шунингдек, афсонавий собиқ сардорнинг дафн маросимида шахсан иштирок этишни режалаштирмоқда. Златан Ибрагимовичнинг маросимда бўлиши эса ҳозирча тасдиқланмаган.

Франко Барези 1978 йилдан 1997 йилгача «Милан» шарафини ҳимоя қилган ва бутун фаолиятини фақат шу клубга бағишлаган. 66 ёшида вафот этган афсонавий ҳимоячи Италия терма жамоаси билан 1982 йилги жаҳон чемпиони ҳисобланади.