Yevropa futbol assosiasiyalari ittifoqi (UYEFA) Jahon chempionati va boshqa yirik turnirlar huquqlarining bir qismini tashqi investorlarga sotish bo‘yicha kelishuv barbod bo‘lgani sababli Xalqaro futbol federasiyasini (FIFA) sudga berish niyatida ekani haqida ogohlantirdi. Bu haqda The Telegraph nashri xabar bermoqda.
UYEFA rahbari FIFA prezidenti Janni Infantinoga xat yuborib, unda «JCH huquqlarini sotishga oid barcha materiallarni saqlab qolishni» talab qildi va sud da’vosi ochilishi mumkinligidan ogohlantirdi. Hujjat nusxasi FIFA loyihasining potensial investorlari konsorsiumi yetakchisi deb atalgan Thrive Eternal jamg‘armasi asoschisi Joshua Kushnerga ham yuborilgan.
Avvalroq Xalqaro futbol federasiyasi tashkilot daromadlarini oshirish maqsadida jahon chempionatlari va boshqa musobaqalarning tijoriy huquqlarini boshqarish uchun FIFA Forward Enterprises sho‘’ba tuzilmasini tashkil etishini e’lon qilgan edi. Ushbu tashabbus UYEFA, Shimoliy va Markaziy Amerika hamda Karib havzasi mamlakatlari futbol konfederasiyasi (KONKAKAF) va Osiyo futbol konfederasiyasi (OFK) tomonidan keskin norozilikka uchradi. O‘tgan dam olish kunlarida FIFA ushbu rejadan voz kechgani ma’lum bo‘ldi.
