Uels futbol assosiasiyasidan so‘ng Angliya futbol assosiasiyasi ham Janni Infantinoga bo‘lgan ishonch maktubini qaytarib olmoqchi.
Bu haqda BBC Sport xabar bermoqda. Inglizlar FIFA prezidenti nomiga rasmiy xat tayyorlamoqda, unda tashkilot rahbari saylovida uning nomzodini qo‘llab-quvvatlash qarori bekor qilinishi ma’lum qilinadi. Bu qaror Infantinoning FIFA turnirlarining tijorat huquqlaridagi ulushlarni xususiy investorlarga sotish loyihasidan voz kechishi oqibatlari bilan bog‘liq.
Avvalroq, xuddi shunday qadamni Uels futbol assosiasiyasi ham tashlagan edi va FIFAning amaldagi rahbariga nisbatan ishonch yo‘qolganini e’lon qilgandi.
Shuningdek, ilgariroq UYEFA prezidenti Aleksander Cheferin Infantinoni qo‘llab-quvvatlagan milliy assosiasiyalarni FIFA rahbarining bo‘lajak saylovlari oldidan o‘z xatlarini qaytarib olishga chaqirgani haqida xabar berilgan edi.
