«Tottenhem»ning sobiq bosh skauti Brayan King «Yuventus» Randal Kolo-Muani uchun ortiqcha pul to‘lab yuborgan, deb hisoblaydi.

Avvalroq Turin klubining «PSJ» bilan kelishuvi 38 million yevroni tashkil etgani va bu mablag‘ to‘rt yilga bo‘lib to‘lanishi, yana 12 million yevro esa bonuslar sifatida ko‘zda tutilgani xabar qilingan edi. Bundan tashqari, agentlarga 3,2 million yevro to‘lanadi. O‘tgan mavsumda hujumchi ijara asosida «shporlar» sharafini himoya qilgan edi.

«Xo‘sh, u hech narsa ko‘rsata olmadi-ku, to‘g‘rimi? Shu sababli u Jahon chempionatiga ham bora olmadi. U [Fransiya] terma jamoasining JCH uchun qaydnomasiga kiritilmadi.

Men hali ham o‘tgan mavsumni juda, juda ajabtovur o‘tkazgan, «Tottenhem» tarkibiga ham amal-taqal qilib kirgan va Jahon chempionatiga borish uchun mutlaqo munosib bo‘lmagan futbolchi uchun 43 million funt (atrofida 50 million yevro) juda ko‘p deb hisoblayman... Ammo bu — bozor.

Bilasizmi, menimcha, unga Premyer-ligaga qaraganda Italiyada o‘ynash osonroq bo‘ladi. Shuning uchun uning keyingi faoliyatini kuzatish va voqealar rivojini ko‘rish qiziq bo‘ladi», — dedi King.