«Tottenxem» «Barselona» hujumchisi Ferran Torresga qiziqish bildirmoqda.
Sport.es nashrining xabar berishicha, London klubi yangi forvard izlamoqda va 26 yoshli ispaniyalik futbolchi bo‘yicha allaqachon so‘rov yuborgan. «Bornmut» hujumchisi Junior Krupi va juda yuqori moliyaviy talablarni ilgari surgan Viktor Osimxenni sotib olish bo‘yicha muvaffaqiyatsiz urinishlardan so‘ng, Torres «shporlar» uchun asosiy variantlardan biriga aylandi.
Ma’lum bo‘lishicha, futbolchiga «PSJ» ham da’vogarlik qilmoqda, u yerda bosh murabbiy Luis Enrikening o‘zi bu transferdan manfaatdor. «Barselona» esa futbolchining sotuvidan 50 million yevrodan ortiq mablag‘ ishlab olmoqchi.
Torres 2022 yildan beri kataloniyaliklar sharafini himoya qilib kelmoqda. Uning bozor qiymati 55 million yevroga baholanmoqda.
