«Тоттенхэм» «Барселона» ҳужумчиси Ферран Торресга қизиқиш билдирмоқда.

Sport.es нашрининг хабар беришича, Лондон клуби янги форвард изламоқда ва 26 ёшли испаниялик футболчи бўйича аллақачон сўров юборган. «Борнмут» ҳужумчиси Жуниор Крупи ва жуда юқори молиявий талабларни илгари сурган Виктор Осимхенни сотиб олиш бўйича муваффақиятсиз уринишлардан сўнг, Торрес «шпорлар» учун асосий вариантлардан бирига айланди.

Маълум бўлишича, футболчига «ПСЖ» ҳам даъвогарлик қилмоқда, у ерда бош мураббий Луис Энрикенинг ўзи бу трансфердан манфаатдор. «Барселона» эса футболчининг сотувидан 50 миллион евродан ортиқ маблағ ишлаб олмоқчи.

Торрес 2022 йилдан бери каталонияликлар шарафини ҳимоя қилиб келмоқда. Унинг бозор қиймати 55 миллион еврога баҳоланмоқда.