«Marsel»ning sobiq sport direktori Mehdi Benatiya yosh futbolchilarda diqqatni jamlash bilan bog‘liq yuzaga kelayotgan qiyinchiliklarga to‘xtalib o‘tdi.
«Sport direktorlari bilan gaplashganimda bu mavzu tez-tez o‘rtaga chiqadi. Yangi avlod shunaqa. Bu narsa sababli (o‘z telefoniga ishora qiladi) ularning diqqatni ushlab turish qobiliyati juda qisqarib ketgan, hatto yig‘ilishlarda ham.
Pep bilan «Bavariya»da bizda 45 daqiqalik majlislar bo‘lardi. Bugun esa 15 daqiqalik yig‘ilish o‘tkazsang, xuddi ularning yuragini sug‘urib olayotgandek tuyuladi», — dedi Benatiya.
