«Barselona» bosh murabbiyi Xans-Diter Flik Rafinya Diasning jamoa uchun qanchalik ahamiyatli ekanini ta’kidlab o‘tdi.

O‘tgan mavsum jarohatlar sababli braziliyalik vinger uchun bir tekis kechmadi. Yaqinda bo‘lib o‘tgan Jahon chempionatida ham 29 yoshli futbolchi ayni shu sabab Braziliya terma jamoasi safida o‘z imkoniyatlarini po‘laligicha ko‘rsata olmagan edi.

«Rafinya — men uchun eng muhim o‘yinchilardan biri. U o‘yinimizga energiya va shiddat olib kiradi — bu aynan bizga kerak bo‘lgan narsa», — deydi Flikning so‘zlarini keltirgan Barca Universal.

Shanba kuni «Barselona» ikkita o‘rtoqlik uchrashuvi o‘tkazdi va ularning har birida faqat bir taymdan o‘ynaldi: kataloniyaliklar dastlab «Nottingem Forest»ni mag‘lub etishdi (1:0), so‘ngra «Udineze»ga imkoniyatni boy berishdi (0:1).