«Tottenxem» himoyachisi Jed Spens Italiyaning «Milan» klubiga o‘tishi mumkin. Bu haqda jurnalist Ekrem Konur xabar bermoqda.

Manba ma’lumotlariga ko‘ra, «rossoneri» 26 yoshli futbolchini sotishga e’tibor qaratgan, «shporlar» esa uni taxminan 50 million yevroga baholamoqda. Shuningdek, himoyachiga «Inter» ham anchadan beri qiziqish bildirib keladi.

Ta’kidlanishicha, avvalroq Spensning xizmatlariga «Roma» ham qiziqqan, ammo rimliklar «Tottenxem»ning moliyaviy talablarini qondirishga tayyor bo‘lishmagan. Bundan tashqari, futbolchi «Liverpul» va «Manchester Yunayted»ga ham taklif qilingan. Mersisaydliklar Spensdan darhol voz kechishgan, «qizil iblislar» esa hozircha hech qanday javob berishgani yo‘q.

O‘tgan mavsumda himoyachi barcha turnirlarni hisobga olgan holda 44 ta o‘yinda maydonga tushgan va natijali harakatlar bilan ajralib turmagan.