Fransiyaning Le Parisien nashri «PSJ» darvozaboni Matvey Safonovning UYEFA Superkubogi doirasida «Aston Villa»ga qarshi o‘tkazilgan uchrashuvdagi (2:1) harakatlariga baho berdi.

«Rossiyalik darvozabon uchrashuvni xotirjam boshladi. Angliya jamoasi vaziyatlar yaratdi, biroq 13, 28, 35 va 41-daqiqalarda yo‘llangan zarbalar darvoza nishonga bormadi.

43-daqiqada Safonov Kamaraning bosh bilan bergan zarbasini qaytarib, jamoasini goldan qutqarib qoldi. Oradan bir daqiqa o‘tib esa darvoza ustuni golkiperga yordamga keldi. 45-daqiqada Madjo yo‘llagan zarbaga qarshi Safonov hech narsa qila olmadi.

Tanaffusdan keyin Safonov ishonchli harakat qildi, raqibning bir nechta xavfli hujumlarini bartaraf etdi va umuman olganda ikkinchi bo‘limni juda ishonchli o‘tkazdi», — deyiladi nashr maqolasida.

«PSJ»ning rossiyalik darvozaboni Matvey Safonov uchrashuvni asosiy tarkibda boshladi va maydonda to‘liq 90 daqiqa harakat qildi. U o‘z darvozasidan bitta gol o‘tkazib yubordi.