Joze Mourinyo boshqaruvida «Real»ning hech bir futbolchisi o‘zini asosiy tarkibdagi o‘rni kafolatlangan o‘yinchi deb his qila olmaydi.

The Touchline nashri El Debate’ga tayanib xabar berishicha, portugaliyalik mutaxassis jamoada juda yuqori raqobat muhitini yaratish rejasini ishlab chiqqan. Mourinyuning fikricha, aynan shu yo‘l bilan «Real»ni mag‘lub etish juda qiyin bo‘lgan jamoaga aylantirish mumkin.

Yangi tartibga ko‘ra, hech kimga boshlang‘ich tarkibdan joy kafolatlanmaydi. Har bir pozisiyada futbolchining kamida ikkita to‘g‘ridan-to‘g‘ri raqobatchisi bo‘ladi.

Agar kimdir o‘zini yetarli darajada ko‘rsata olmasa, Mourinyu uni darhol zaxira o‘rindig‘iga o‘tqazishi mumkin.

Shu tariqa, hatto Kilian Mbappe, Vinisius Junior va Jud Bellingem kabi yulduzlar ham o‘z o‘rnini kafolatlangan deb hisoblay olmaydi. Ular ham doimiy ravishda yuqori saviyada o‘ynashi va asosiy tarkibdagi o‘rni uchun raqobat qilishiga to‘g‘ri keladi.