«Tottenxem» markaziy himoyachisi Kristian Romero yaqin vaqt ichida rasman Madridning «Atletiko» klubiga o‘tishi kutilmoqda.

Klublar transferning barcha shartlarini kelishib olgani juma kuni ma’lum bo‘ldi. Jurnalist Pedro Fulyana xabar berishicha, endi faqat zarur hujjatlarni rasmiylashtirish qolgan. Barcha rasmiyatchiliklar yaqin soatlarda hal qilinadi, ammo transfer haqidagi e’lon shanba kuniga qoldiriladi. 

Kristian Romeroni xarid qilish «Atletiko»ga 40 million yevro tushdi. 28 yoshli argentinalik La Liga grandi bilan 2031 yilga qadar mo‘ljallangan shartnoma imzoladi.