«PSJ»ning yangi futbolchisi Miki Godtsning agenti Nils De Yonk belgiyalik hujumchining «Ayaks»dan Parij klubiga o‘tishi haqida fikr bildirdi.
«Miki o‘yin vaqtini o‘ziga munosib tarzda qo‘lga kiritishi kerak bo‘ladi. «PSJ»dek klubda hech kimga hech narsa tayyor holda taqdim etilmaydi, hatto sizning transferingiz uchun qariyb 55 million yevro to‘langan bo‘lsa ham. «PSJ»da u hammasini noldan boshlaydi.
Biz uchun bu transfer Miki Parijda ham futbolchi, ham inson sifatida rivojlanishda davom etsa va oxir-oqibat eng yuqori darajadagi muhim futbolchilardan biriga aylansa, muvaffaqiyatli hisoblanadi. «PSJ» — finish chizig‘i emas, balki yangi boshlanish. Xuddi 2023 yilda «Ayaks» bilan bo‘lgani kabi», — deya De Yonkning so‘zlarini keltiradi De Telegraaf.
21 yoshli futbolchi o‘tgan hafta Parij klubi bilan 2031 yilga qadar mo‘ljallangan shartnoma imzoladi. U «PSJ» safida 22-raqam ostida to‘p tepadi.
