"Liverpul" yarim himoyachisi Kyortis Jons tez orada Milanning "Inter" klubi yangi futbolchisi sifatida tanishtiriladi.

Bugun, payshanba kuni, angliyalik futbolchi tibbiy ko‘rikdan o‘tish uchun Milanga yetib boradi. Shundan so‘ng u yangi klubi bilan shartnoma imzolaydi. Bu haqda insayder Fabrisio Romano xabar berdi. "Inter" 25 yoshli futbolchining transferi uchun "Liverpul"ga taxminan 35 million yevro to‘laydi. Mazkur kelishuv haqidagi so‘nggi xabarlar ham transfer summasi 35 million yevro atrofida ekanini tasdiqlamoqda.

Kyortis Jons faoliyatida ilk bor klubini o‘zgartiradi. U 2010 yildayoq "Liverpul" akademiyasi tizimiga qo‘shilgan va 2019 yilda asosiy jamoa safida debyut qilgan. Jons "qizillar" tarkibida jami 228 ta uchrashuvda maydonga tushib, 22 ta gol urgan va 25 ta golli uzatmani amalga oshirgan.