"Chelsi" markaziy himoyachisi Aksel Disasi yaqin vaqt ichida "Kristal Pelas" safiga ijara asosida o‘tishi mumkin. Bu haqda RMC Sport xabar berdi.
Manba ma’lumotiga ko‘ra, klublar 28 yoshli futbolchining sotib olish huquqisiz ijaraga berilishi bo‘yicha kelishuvga erishgan. Ayni paytda "Kristal Pelas" Disasi vakillari bilan muzokara olib bormoqda.
Disasi o‘tgan mavsumning ikkinchi qismini "Vest Xem" safida o‘tkazdi. U "bolg‘achilar" tarkibida 17 ta uchrashuvda maydonga tushib, bitta gol urdi.
Fransiyalik himoyachining "Chelsi" bilan amaldagi shartnomasi 2029 yilga qadar mo‘ljallangan. Transfermarkt portali ma’lumotlariga ko‘ra, Disasining bozor qiymati 15 million yevroni tashkil etadi.
