"Manchester Yunayted" hujumchisi Markus Reshford Stick to Football podkastida uni himoya qilgan Jeymi Karragerga minnatdorlik bildirdi.

Podkast boshlovchisi Gari Nevill Reshfordning kelajagi haqida gap boshlamoqchi bo‘ldi, ammo Karrager bu mavzuni to‘xtatib, hujumchi haqida deyarli har bir sonda gapirilayotganini ta’kidladi.

Podkastdan parcha e’lon qilingach, Reshford ijtimoiy tarmoqda shunday yozdi:

"Rahmat, Jeymi. Har kuni o‘z ismimni eshitmasdan, shunchaki futbolga e’tibor qaratib, o‘ynash yaxshi bo‘lardi".

28 yoshli angliyalik futbolchi o‘tgan mavsumni "Barselona"da ijara asosida o‘tkazib, 49 ta uchrashuvda 14 ta gol urdi va 14 ta golli uzatmani amalga oshirdi. Kataloniya klubida uni sotib olish imkoniyati bor edi, ammo yakunda Entoni Gordonni o‘z safiga qo‘shib oldi.

Reshford "Manchester Yunayted"ga qaytganidan so‘ng bosh murabbiy Maykl Karrik hujumchining yaxshi formada ekanini va jamoaga hujumda yangi variantlar bera olishini ta’kidladi.