"Galatasaroy" "Atletiko" hujumchisi Aleksandr Syorlotga qiziqish bildirmoqda va norvegiyalik futbolchi uchun "Nyukasl" bilan raqobatlashishga tayyor. Bu haqda Football Norge xabar berdi.

Turkiya klubi Syorlotni Viktor Osimxen jamoani tark etgan taqdirda uning o‘rniga nomzod sifatida ko‘rib chiqmoqda. "Nyukasl" ham anchadan buyon Syorlotni kuzatib kelmoqda va uni o‘z safiga qo‘shib olishga qiziqish bildirmoqda.

"Atletiko" futbolchini jamoada saqlab qolishni istaydi, ammo boshqa klublar tomonidan qiziqish ortib borayotgani uning sotilishiga olib kelishi mumkin.

30 yoshli Syorlot o‘tgan mavsum La Ligada 35 ta uchrashuvda 13 ta gol urgan. Transfermarkt ma’lumotiga ko‘ra, uning bozor qiymati 18 million yevroni tashkil etadi.