"Галатасарой" "Атлетико" ҳужумчиси Александр Сёрлотга қизиқиш билдирмоқда ва норвегиялик футболчи учун "Ньюкасл" билан рақобатлашишга тайёр. Бу ҳақда Football Norge хабар берди.
Туркия клуби Сёрлотни Виктор Осимхен жамоани тарк этган тақдирда унинг ўрнига номзод сифатида кўриб чиқмоқда. "Ньюкасл" ҳам анчадан буён Сёрлотни кузатиб келмоқда ва уни ўз сафига қўшиб олишга қизиқиш билдирмоқда.
"Атлетико" футболчини жамоада сақлаб қолишни истайди, аммо бошқа клублар томонидан қизиқиш ортиб бораётгани унинг сотилишига олиб келиши мумкин.
30 ёшли Сёрлот ўтган мавсум Ла Лигада 35 та учрашувда 13 та гол урган. Transfermarkt маълумотига кўра, унинг бозор қиймати 18 миллион еврони ташкил этади.
