Fransiyalik jurnalist Daniel Riolo Fransiya futbol federasiyasi (FFF) 2027 yilning mart oyida bo‘lib o‘tadigan FIFA prezidentligi saylovida Janni Infantinoning qayta saylanishini qo‘llab-quvvatlamasligini tasdiqladi.

Avvalroq jurnalist Romen Molina FFF va uning prezidenti Filipp Diallo kuluarlarda Infantino tomonida ekanini da’vo qilgan edi.

«Bu haqda barcha futbol doiralarida, turli tashkilotlarda — Yevropa klublari assosiasiyasi, federasiyalar, UEFA, KONKAKAFda gapirishmoqda... Ular mart oyigacha Infantinoning iste’fosiga erishmoqchi. Hozirda u o‘z tarafdorlarini hisoblab chiqmoqda.

FFF o‘z pozisiyasini aniq belgilab oladi. Filipp Diallo o‘z rejalarini aniq tushuntirib bergan edi va endi bu hammaga ayon. U Djanni Infantino uchun ovoz bermaydi va hatto boykot bilan tahdid qilgan barcha Yevropa mamlakatlari kabi uning asosiy muxoliflari qatorida bo‘ladi, ular orasida Fransiya ham bor edi. Diallo hali chiqish qilmadi — 8 sentyabr kuni ijroiya qo‘mitasining yig‘ilishi bo‘lib o‘tadi. O‘sha vaqtga kelib uning qarori tasdiqlanadi va shundan so‘ng Fransiya Infantinoning muxoliflariga qo‘shiladi.

Dunyodagi kuchlar muvozanati Janni Infantinoning zarariga o‘zgarmaqda», — deydi Riolo.