Франциялик журналист Даниэль Риоло Франция футбол федерацияси (FFF) 2027 йилнинг март ойида бўлиб ўтадиган ФИФА президентлиги сайловида Жанни Инфантинонинг қайта сайланишини қўллаб-қувватламаслигини тасдиқлади.
Аввалроқ журналист Ромен Молина FFF ва унинг президенти Филипп Диалло кулуарларда Инфантино томонида эканини даъво қилган эди.
«Бу ҳақда барча футбол доираларида, турли ташкилотларда — Европа клублари ассоциацияси, федерациялар, УЕФА, КОНКАКАФда гапиришмоқда... Улар март ойигача Инфантинонинг истеъфосига эришмоқчи. Ҳозирда у ўз тарафдорларини ҳисоблаб чиқмоқда.
FFF ўз позициясини аниқ белгилаб олади. Филипп Диалло ўз режаларини аниқ тушунтириб берган эди ва энди бу ҳаммага аён. У Джанни Инфантино учун овоз бермайди ва ҳатто бойкот билан таҳдид қилган барча Европа мамлакатлари каби унинг асосий мухолифлари қаторида бўлади, улар орасида Франция ҳам бор эди. Диалло ҳали чиқиш қилмади — 8 сентябрь куни ижроия қўмитасининг йиғилиши бўлиб ўтади. Ўша вақтга келиб унинг қарори тасдиқланади ва шундан сўнг Франция Инфантинонинг мухолифларига қўшилади.
Дунёдаги кучлар мувозанати Жанни Инфантинонинг зарарига ўзгармақда», — дейди Риоло.
