PSV «Leypsig» himoyachisi Lyutsxarel Gertryoyda transferini rasman e’lon qildi. Niderlandiyalik futbolchi 2026/27 yilgi mavsum yakuniga qadar ijara asosida Eyndxoven klubi sharafini himoya qiladi. Bitimda futbolchini to‘liq sotib olish huquqi ham ko‘zda tutilgan.

26 yoshli himoyachi yangi jamoasida 2-raqam ostida to‘p suradi. Ayrim manbalarga ko‘ra, PSV mavsum yakunida Gertryoydani 15 million yevro atrofidagi mablag‘ evaziga sotib olishi mumkin.

Gertryoyda 2024 yil yozida «Feyenoord»dan «Leypsig»ga 20 million yevro evaziga o‘tgandi. U Germaniya klubi safida barcha musobaqalarda 35 ta uchrashuv o‘tkazib, 1 ta gol urgan.

O‘tgan mavsumni esa himoyachi Angliyada — «Sanderlend» safida ijara asosida o‘tkazdi. Gertryoydaning «Leypsig» bilan amaldagi shartnomasi 2029 yil yoziga qadar mo‘ljallangan.

Transfermarkt portali ayni paytda Niderlandiya terma jamoasi futbolchisining transfer qiymatini 20 million yevroga baholamoqda.