"Fulxem" "Atalanta"ning o‘ng qanot himoyachisi Raul Bellanovani qo‘lga kiritish harakatlarini davom ettirmoqda.

Insayder Nikolo Skira ma’lumotiga ko‘ra, London klubi 26 yoshli italiyalik futbolchi uchun yangi taklif yuborishga tayyor. "Fulxem"ning avvalgi, taxminan 20 mln yevrolik taklifi bergamoliklar tomonidan rad etilgandi.

"Atalanta" hozircha Bellanovani sotishni rejalashtirmayapti va uni asosiy tarkib futbolchilaridan biri sifatida ko‘rmoqda. Shunga qaramay, "Fulxem" muzokaralarni davom ettirish niyatida. Italiyadagi so‘nggi xabarlarga ko‘ra, angliyaliklar yangi taklif miqdorini 27 mln yevrogacha oshirishi mumkin.

Bellanovaning o‘zi esa London klubiga o‘tish variantiga ijobiy munosabat bildirgan. Endi asosiy masala ikki klubning transfer narxi bo‘yicha kelishuvga erishishida qolmoqda.

Bellanova "Atalanta"ga 2024 yil yozida "Torino"dan kelib qo‘shilgan. U o‘ng qanot himoyachisi va vingbek pozisiyalarida harakat qiladi. Futbolchining amaldagi shartnomasi 2029 yilgacha mo‘ljallangan.