Massimiliano Allegri «Napoli» bosh murabbiyi sifatida Italiya chempionatidagi ilk uchrashuvini g‘alaba bilan yakunladi. Neapolliklar safarda «Jenoa»ni 2:0 hisobida mag‘lub etdi.

Gollar faqat ikkinchi bo‘limda urilganiga qaramay, Allegri jamoasi katta muammolarga duch kelmaganini ta’kidladi.

«Dastlabki 25 daqiqada qiyinchiliklarga duch keldik. «Jenoa»ning bosimi ostida to‘p bilan muomala qilishda bir nechta texnik xatoga yo‘l qo‘ydik.

Keyin o‘yin sur’atini oshirdik va jarima maydoniga uzatilgan uchta to‘pdan yaxshiroq foydalanishimiz mumkin edi. Ikkinchi bo‘limda yaxshi harakat qildik va 83-daqiqada gol urdik. Ammo hisobni ancha oldinroq ochish imkoniyatiga ega edik», — deya Allegrining so‘zlarini calcionapoli1926.it keltirdi.

Eslatib o‘tamiz, «Napoli» o‘tgan mavsumni Italiya chempionatida ikkinchi o‘rinda yakunlagan.