«Barselona» chap qanot himoyachisi Alexandro Balde hamon «Manchester Yunayted»ning transfer maqsadlari qatorida turibdi.

22 yoshli futbolchining Kataloniya klubini tark etishi mumkinligi haqidagi gap-so‘zlar so‘nggi kunlarda yanada kuchaydi. Bu xabarlar fonida «ko‘k-anorranglilar» bosh murabbiyi Hans-Diter Flik Baldeni yakshanba kunigi La Liga uchrashuvi uchun qaydnomaga kiritmadi. Mutaxassis futbolchiga «uyda qolib, miyasini keraksiz ma’lumotlardan tozalashni» maslahat bergan.

Insayder Fabrisio Romano ma’lumotiga ko‘ra, «Manchester Yunayted» vakillari ehtimoliy transfer shartlarini bilish maqsadida Baldening agenti Jorje Mendesh bilan aloqaga chiqqan.

Transfermarkt mutaxassislari ispaniyalik himoyachining bozor qiymatini 50 mln yevroga baholamoqda.