Londonning «Tottenxem» klubi «Nottingem Forest» qanot himoyachisi Neko Uilyamsni o‘z safiga qo‘shib olish variantini ko‘rib chiqmoqda. Bu haqda BBC Sport xabar berdi.
Manba ma’lumotiga ko‘ra, «shporlar» Jed Spensning Milanning «Inter» klubiga o‘tib ketganidan so‘ng universal himoyachi izlamoqda.
Biroq «Nottingem Forest» Uilyamsni «Tottenxem»ga qo‘yib yubormoqchi emas. Klub futbolchi bilan 2029 yil yoziga qadar amal qiladigan shartnomani uzaytirish niyatida.
Joriy mavsumda 25 yoshli Uilyams 2 ta uchrashuvda maydonga tushdi, ammo gol yoki golli uzatma qayd etmadi.
Transfermarkt portali valliyalik futbolchining transfer qiymatini 28 million yevroga baholamoqda.
