«Manchester Siti» yarim himoyachisi Jek Grilish Cheshirdagi uyi yaqinidagi yer uchastkasi masalasida mahalliy hokimiyat bilan bahsda g‘olib chiqdi.
30 yoshli angliyalik avval o‘rmon hududi hisoblangan qariyb 10 akr yerni rasman bog‘ining bir qismi deb tan olishni talab qilgan. Futbolchi bu hududdan iti bilan sayr qilish va sabzavot yetishtirish uchun foydalanishini ma’lum qilgan.
Bir necha oylik muhokamalardan so‘ng Sharqiy Cheshir kengashi Grilishga ruxsat berdi. Hokimiyat yer uchastkasi o‘n yildan ortiq vaqt davomida turar joy bog‘i sifatida foydalanilgani isbotlangan deb hisobladi.
Mahalliy kengash yerning maqomini o‘zgartirishga qarshi chiqqan, chunki bu kelajakda uchastkada qurilish ishlarini amalga oshirish imkoniyatini ochib berishi mumkinligidan xavotirlangan. Uyning avvalgi egasining xuddi shunday arizasi 2022 yilda rad etilgan.
