Chorshanba kuni Madridning «Real» klubi La Liga doirasida o‘z maydonida «Real Sosyedad»ni 4:1 hisobida mag‘lub etdi.
«Qaymoqranglilar»ning yangi futbolchisi Mark Kukurelya tanaffusdan so‘ng Alvaro Karreras o‘rniga maydonga tushdi. Bu 28 yoshli jahon chempionining «Real» safida «Santyago Bernabeu»dagi debyut uchrashuvi bo‘ldi.
«Bu ajoyib edi! Bundan ortig‘ini istab ham bo‘lmaydi. «Bernabeu»da muxlislarimiz qarshisida o‘ynab, ustiga-ustak g‘alaba qozonish — men juda xursandman», — dedi Kukurelya. Uning so‘zlarini Madrid Xtra keltirdi.
«Real» Kukurelyani yoz boshida «Chelsi»dan xarid qilgan edi.
Uchrashuv boshlanishidan oldin Mark Kukurelya iyul oyida Ispaniya terma jamoasi safida qo‘lga kiritgan Jahon chempionati kubogini mahalliy muxlislarga namoyish qildi.
