«Preston» 21 yoshli chap qanot himoyachisi Kaleb Uaylini o‘z safiga qo‘shib olganini e’lon qildi.

Amerikalik futbolchi Londonning «Chelsi» klubidan mavsum yakuniga qadar ijara asosida «Preston»ga o‘tdi. Uayli yozgi transfer oynasida jamoaga qo‘shilgan sakkizinchi yangi futbolchi bo‘ldi. Bitimning moliyaviy tafsilotlari rasman oshkor qilinmagan.

Himoyachi yangi jamoasida 12-raqam ostida to‘p suradi.

Kaleb Uayli «Atlanta Yunayted» akademiyasi tarbiyalanuvchisi bo‘lib, klub tizimiga 11 yoshida qo‘shilgan. U 2024 yil iyulida 10,1 million yevro evaziga «Chelsi»ga o‘tdi va shundan so‘ng «Strasbur»ga ijaraga berildi. Keyinchalik futbolchi ikki marta «Uotford»da ham ijara asosida to‘p surdi.

Transfermarkt portali Uaylining bozor qiymatini 8 million yevroga baholamoqda.

O‘tgan mavsumda u jami 5 ta uchrashuvda maydonga tushdi va gol yoki golli uzatma bilan ajralib turmadi.