«Vest Xem» himoyachisi Jan-Kler Todibo «Lans»ga ijara asosida o‘tishga yaqin. Bu haqda L’Équipe xabar berdi.

Manba ma’lumotiga ko‘ra, kelishuvga futbolchini keyinchalik sotib olish huquqi kiritilmaydi. Fransiyalik himoyachi vatanga qaytish va Chempionlar ligasida ishtirok etish imkoniyatiga ega bo‘lish uchun maoshini kamaytirishga ham rozilik bildirgan.

Todiboga «Marsel» ham qiziqish bildirgan edi. Biroq klubning transfer bozoridagi muammolari «Lans» foydasiga ishlagan.

Kutilishicha, 26 yoshli futbolchi mavsum yakuniga qadar ijara asosida «Lans» safida to‘p tepadi.

Todibo 2024 yildan buyon «Vest Xem» sharafini himoya qilib kelmoqda. U avval «Nissa», «Barselona», «Benfika», «Shalke» va «Tuluza» klublarida ham o‘ynagan.