«Вест Хэм» ҳимоячиси Жан-Клер Тодибо «Ланс»га ижара асосида ўтишга яқин. Бу ҳақда L’Équipe хабар берди.

Манба маълумотига кўра, келишувга футболчини кейинчалик сотиб олиш ҳуқуқи киритилмайди. Франциялик ҳимоячи ватанга қайтиш ва Чемпионлар лигасида иштирок этиш имкониятига эга бўлиш учун маошини камайтиришга ҳам розилик билдирган.

Тодибога «Марсель» ҳам қизиқиш билдирган эди. Бироқ клубнинг трансфер бозоридаги муаммолари «Ланс» фойдасига ишлаган.

Кутилишича, 26 ёшли футболчи мавсум якунига қадар ижара асосида «Ланс» сафида тўп тепади.

Тодибо 2024 йилдан буён «Вест Хэм» шарафини ҳимоя қилиб келмоқда. У аввал «Ницца», «Барселона», «Бенфика», «Шальке» ва «Тулуза» клубларида ҳам ўйнаган.