«Chelsi» bosh murabbiyi Xabi Alonso Angliya Premyer-ligasida «Brayton»ga qarshi uchrashuv oldidan yarim himoyachi Enso Fernandesning vaziyatiga munosabat bildirdi.

Argentinalik futbolchi «Manchester Siti»ning unga qiziqish bildirayotgani haqidagi xabarlar fonida London klubining mazkur bahs uchun qaydnomasiga kiritilmadi.

«Biz jamoa uchun qaysi qaror yaxshiroq bo‘lishini baholayapmiz. Jamoa butun e’tiborini o‘yinga qaratishi kerak», — deya Alonso so‘zlarini keltiradi BBC Sport.

Shu tariqa, Fernandes «Chelsi»ning ketma-ket ikkinchi uchrashuvini o‘tkazib yuboradi. Avvalroq u Angliya Liga kubogida «Luton»ga qarshi bahs qaydnomasiga ham kiritilmagan edi.

So‘nggi kunlarda «Manchester Siti» 25 yoshli futbolchi transferi bo‘yicha harakatlarini faollashtirgani aytilmoqda. Xabarlarga ko‘ra, Ensoning o‘zi ham Manchester klubiga o‘tishga tayyor.