Karim Benzema "Al-Hilol"ni tark etishga tayyorlanmoqda. Fransiyalik hujumchining Saudiya Arabistoni klubi bilan shartnomasi yaqin vaqt ichida tomonlarning o‘zaro roziligi asosida bekor qilinishi kutilmoqda.
Jurnalist Ben Jeykobs ma’lumotiga ko‘ra, 38 yoshli futbolchini o‘z safiga qo‘shib olish imkoniyatini "Ash-SHabab" ko‘rib chiqmoqda.
Ayni paytda Benzema kelajagi borasida yakuniy qaror qabul qilmagan. Forvard turli variantlarni, hatto professional faoliyatini yakunlash ehtimolini ham istisno etmayapti.
Benzema joriy yilning fevral oyida "Al-Ittihod"dan "Al-Hilol"ga ko‘chib o‘tgan edi.
"Real"ning sobiq hujumchisi Ar-Riyod klubi safida 16 ta uchrashuvda maydonga tushib, 10 ta gol urdi va 5 ta golli uzatmani amalga oshirdi.
