«Manchester Siti» hujumkor yarim himoyachisi Jek Grilish yana «Everton» safida to‘p tepadi.
Insayder Fabrisio Romano ma’lumotiga ko‘ra, dushanba kuni kechqurun klublar 30 yoshli futbolchining ijarasi bo‘yicha to‘liq kelishuvga erishgan.
Angliyalik futbolchining o‘zi ham transferga rozilik bergan. Seshanba kuni ertalab u tibbiy ko‘rikdan o‘tadi, shundan keyin kelishuv rasman e’lon qilinishi kutilmoqda.
Grilish o‘tgan mavsumda ham «Everton» safida ijara asosida to‘p tepgan edi. U jamoa tarkibida 22 ta uchrashuvda maydonga tushib, 2 ta gol urdi va 6 ta golli uzatmani amalga oshirdi.
Futbolchining «Manchester Siti» bilan amaldagi shartnomasi kelasi yilning o‘rtalarida yakunlanadi.
