Londonning "Chelsi" klubi o‘z darvozaboni Robert Sanchesni sotishga tayyor. Bu haqda jurnalist Ekrem Konur xabar berdi.

Manba ma’lumotiga ko‘ra, "ko‘klar" Emiliano Martinesni xarid qilganidan so‘ng 28 yoshli ispaniyalik darvozabonni transferga qo‘ygan. Ta’kidlanishicha, poytaxt klubi Sanches uchun 24,5-28 million yevro miqdoridagi takliflarni ko‘rib chiqishga tayyor.

Ayni paytda futbolchi uchun "Tottenxem" va "Komo" klublari kurash olib bormoqda.

Joriy mavsumda Sanches Angliya Premyer-ligasida bitta o‘yinda ishtirok etib, o‘z darvozasidan ikki to‘p o‘tkazib yubordi. "Brayton"ga qarshi o‘tgan so‘nggi bahsda esa, "Chelsi" 4:3 hisobida g‘alaba qozonganiga qaramay, darvozabon o‘yin qaydnomasiga kiritilmadi.

Sanchesning "Chelsi" bilan amaldagi shartnomasi 2030 yilga qadar mo‘ljallangan.