«Tottenxem» bosh murabbiyi Roberto De Dzerbi Mixail Mudrikning transferidan so‘ng futbolchi haqida fikr bildirdi.

Ukrainalik vinger «Chelsi»dan mavsum oxiriga qadar ijara asosida «Tottenxem»ga o‘tdi. Shartnomada uni 87 million yevroga sotib olish huquqi ham ko‘zda tutilgan.

«Men Misha bilan uning faoliyati boshida ishlaganman va u jamoamizga nimalar bera olishini juda yaxshi bilaman. U tezligi va raqibni birga-bir vaziyatlarda aldab o‘tish mahorati orqali o‘yin taqdirini o‘zgartira oladi. U yorqin va iqtidorli hujumkor futbolchi», — deya De Dzerbining so‘zlarini Football London keltirdi.

«Men undan ko‘p narsa talab qilaman. Bizning vazifamiz — unga o‘z salohiyatini to‘liq ochishga yordam berish. Agar bunga erishsak, u biz uchun juda muhim futbolchiga aylanishi mumkin», — deya qo‘shimcha qildi murabbiy.

Eslatib o‘tamiz, Mudrik doping bilan bog‘liq mojaro sabab uzoq vaqt davomida rasmiy o‘yinlarda ishtirok etmagan edi.