«Yuventus» yarim himoyachisi Kefren Tyuram tizzasidan operasiya o‘tkazadi.
La Gazzetta dello Sport ma’lumotiga ko‘ra, fransuz futbolchisi bugun Lionga yetib boradi va ertaga tizza bo‘g‘imlari bo‘yicha mutaxassis Bertran Sonneri-Kotte qo‘l ostida operasiya qilinadi. So‘nggi mavsumlarda jarroh Bremer va Federiko Gattining ham tizzasidan operasiya o‘tkazgan.
Fransiyalik shifokor dushanba kuni Tyuramni ko‘rikdan o‘tkazib, operasiyani tavsiya qildi. Bu qaror o‘tgan mavsum oxirida boshlangan va konservativ davolash hamda yozgi tanaffusga qaramay, so‘nggi oylarda to‘liq bartaraf bo‘lmagan og‘riqlarga chek qo‘yish maqsadida qabul qilingan. 25 yoshli futbolchida patellofemoral sindrom tashxisi qo‘yilgan.
Tyuram «Yuventus»ning barcha o‘rtoqlik uchrashuvlarini o‘tkazib yubordi. U A Seriyaning «Frozinone»ga qarshi birinchi tur uchrashuvida zaxira o‘rindig‘iga qaytdi, ammo «Parma»ga qarshi bahsda maydonga tushmadi.
Turinliklar murabbiylar shtabi bilan birgalikda muammoni hal qilishning yangi yo‘lini izlashga qaror qilgan. Mutaxassislar bilan maslahatlashuvlardan so‘ng eng maqbul usul jarrohlik aralashuvi deb topilgan.
Qayd etilishicha, Kefren Tyuramning safga qaytishi uchun kamida 4 oy kerak bo‘ladi.
