«Inter» himoyachisi Federiko Dimarko Italiya futbolchilari assosiasiyasi talqiniga ko‘ra o‘tgan mavsum A Seriyaning eng yaxshi futbolchisi deb topildi.
Italiya futbol federasiyasi tomonidan tashkil etilgan Gran Galà del Calcio taqdirlash marosimi chorshanba kuni Milan shahrida bo‘lib o‘tdi. Turli nominasiyalar bo‘yicha g‘oliblar futbolchilarning to‘g‘ridan-to‘g‘ri ovoz berishi orqali aniqlandi.
2025/26 mavsumida Dimarko «Inter» bilan Italiya chempioni bo‘ldi. 28 yoshli himoyachi A Seriyada 35 ta uchrashuvda maydonga tushib, 7 ta gol urdi va 16 ta golli uzatmani amalga oshirdi.
Shu tariqa, Dimarko chempionatning eng yaxshi assistenti ham bo‘ldi.
