«Liverpul» bosh murabbiyi Andoni Iraola APL 3-turida «Ipsvich»ga qarshi o‘yin oldidan matbuot anjumanida jamoa tarkibidagi ayrim futbolchilar yetishmayotgani haqida fikr bildirdi.

«Hozir tarkib bilan bog‘liq muammo, masalan, Konor Bredli va Jo Gomesning yo‘qligida. Agar har bir pozisiya uchun ikkitadan futbolchi hisoblasak, tarkib doim yetishmaydi. Hozir biz shunday vaziyatga tushib qoldik. Shuning uchun Dominik Soboslaini o‘ng qanot himoyachisi pozisiyasida ham o‘ynay olishi uchun qadrlayman», — deya Iraolaning so‘zlarini keltirdi BBC.

«Futbolchilarning universalligi jarohat olganlar ko‘paygan mavsum qismlarida vaziyatni yengishimizga yordam beradi. Yarim himoyada esa futbolchilarimiz yetarli. Endi hammasi men qabul qiladigan qarorlarga bog‘liq.

Men eng yaxshi futbolchilar kombinasiyalarini izlayapman. Yaqin ikki haftada bizni ko‘plab o‘yinlar kutib turibdi. Bu bizga mavjud variantlar va turli kombinasiyalarni sinab ko‘rish imkonini beradi. Hammasi murabbiylik ishiga bog‘liq».

«Liverpul» 2 ochko bilan 13-o‘rinda bormoqda, «Ipsvich» esa 3 ochko jamg‘argan holda undan bir pog‘ona yuqorida joylashgan.