«Pari Sen-Jermen» hujumchi Usmon Dembele bilan yangi shartnoma imzolashni rejalashtirmoqda.

29 yoshli futbolchining amaldagi shartnomasi 2028 yilning yoziga qadar mo‘ljallangan. Biroq avval ham bir necha bor xabar qilinganidek, har ikki tomon ham hamkorlikni davom ettirishdan manfaatdor.

Insayder Nikolo Skira ma’lumotiga ko‘ra, Parij klubi rahbariyati Dembele bilan shartnomani 2031 yilgacha uzaytirishni istamoqda.

Yaqinda «PSJ» Luis Enrike, Lukas Beraldo, Joau Nevesh, Senni Mayulu, Villian Pacho va Fabian Ruis bilan shartnomalar uzaytirilganini e’lon qilgan edi.

Fransiyaning amaldagi chempioni yangi mavsumni omadsiz boshladi. «PSJ» Liga 1ning dastlabki uch turida hali g‘alaba qozonmadi va bor-yo‘g‘i 2 ochko jamg‘ardi.