«Fiorentina» Italiya chempionatining 3-turida o‘z maydonida «Torino»ga 1:2 hisobida mag‘lub bo‘ldi.
Bu «binafsharanglar»ning joriy mavsumdagi ketma-ket uchinchi mag‘lubiyati bo‘ldi. Ya’ni «Fiorentina» chempionatning dastlabki uch turida hali birorta ham ochko jamg‘ara olmadi.
Klub tarixida bunday omadsiz start faqat bir marta kuzatilgan. 1935/36 yilgi mavsumda ham «Fiorentina» chempionatning dastlabki uchta uchrashuvida mag‘lubiyatga uchragan edi.
Keyingi turda «Fiorentina» safarda «Venesiya»ga qarshi maydonga tushadi. Uchrashuv 11 sentyabr, juma kuni bo‘lib o‘tadi.
