«Manchester Yunayted» bosh murabbiyi Maykl Karrik jamoa boshqaruviga kelganidan keyingi natijalari haqida fikr bildirdi.
Angliyalik mutaxassis yanvar oyida tayinlanganidan buyon «qizil iblislar» APLda 19 ta uchrashuvda 42 ochko jamg‘ardi. Bu shu davrda chempionatdagi eng yaxshi ko‘rsatkich hisoblanadi.
Agar mankunianliklar shu sur’atni saqlab qolsa, joriy mavsumda chempionlik uchun jiddiy kurash olib borishi mumkin.
«Siz aytganingizdek, biz, albatta, raqobatlasha olamiz. Men uchun «Manchester Yunayted»da ishlashning o‘zi g‘alabalarga intilishni anglatadi.
Biz turnir jadvalining yuqori o‘rinlari uchun kurashmoqchimiz. Bu shunchaki gap emas, balki bizning yondashuvimiz va maqsadimiz. Endi eng muhimi — shu darajani doimiy ravishda saqlab qolish», — dedi Karrik.
«Manchester Yunayted» APLning yangi mavsumida ikki turdan so‘ng 3 ochko jamg‘argan. Yakshanba kuni jamoa safarda «Everton»ga qarshi maydonga tushadi.
